دو بیتی های محلی در باره نشل
دو بیتی های محلی در باره نشل
برار من شه نشل کوهه قــــرون
من گـــت لشه بچا اوهــــه قرون
امه سلمه خانمه ســـوهه قرون
لشاروهه الـــــــــرگه بوهه قرون
برار من شه رسمه پیشکوهه قرون
هفت خنی سربنه اوهه قـــــــــرون
زاغ وزونه منزله گــــــــــــوهه قرون
آرسنگه تمـــــــــــــــکه بوهه قرون
******
من سیو کلاســــره کــوهه قرون
ورفه خرهه بنه اوهه قــــــــــرون
ورفه لیم در بــــــمو زردزرده تتی
پلا ســــــــبزیه بک و ـبوهه قرون
برار من ته سیـــو گولاهه قرون
ونه دلهه لمـــــه لاهـــه قـــرون
مرس کتری کــــــل خرنه کله ور
مشـن دازه- کندال کوفاهه قرون
برار ته لینگه کـــاله چرمه قرون
شو چر شونی وطه زنگه قرون
برار ته دوشتــــــوره رنگه قرون
لمچو قا بیه تســــه تنگه قرون
**************
بـرار من ته لینگه شله قرون
ته دسه ماس قراچـــه قرون
برار خار نهیه ته کمـــــره درد
چسه بیاردی کلوارهه قــرون
**************
برار من ته بزمـــی گولاهـــــه قرون
اسینه جا وه سر پاهـــــه قـــــــرون
کچکی رادیوهه صــــــــــداهه قرون
من سوسوهه کچکی لمپاهه قـرون
**************
خدا من شه اتا بـــــــراره قـرون
همیشه کرده وه قـــــراره قرون
وقتی شییه گسفن سره قـرون
تیســـا په امه پشت سره قـرون
**************
برار مــن تـه کچیک خنه قـرون
دایم بیـــــه ته تن خسه قـرون
در ایاردی شه لینگ کـال چرمه
کور بهی بـوم ندیبوم لینگ زمه
**************
برار بدونه تــــو چیکار هکنم
چتی گسفـنه وره مار هکنم
مجک مشه من چیکار هکنم
مجبورمـــــــه آدم قرار هکنم
**************
برار من شمه هیاهوهه قرون
تلم زنــی ته گرم دوهه قـرون
برار تــه وره ماره مشه قــرون
برار تــه تنه مار منگوهه قرون
**************
برار من نشـــــــله هواهه قرون
من شه درنه و هنـــزاهه قر ون
خشک لارکــــه تنگه شونی بالا
سیلم و کوکه سر صداهه قـرون
برار ته دسه دسچوهه قـــــــرون
کرکره سر دازهه سوهه قــــرون
فرامه در بکردی دری شــــو چـر
برار ته کوندوکه ورف اوهه قــرون
**************
برارمن ته تنه چوقاهه قــــرون
کرکره سر من ته اویاهـه قرون
در بیار لله وا ره چوقاهـه جیــف
بزن برار ته لله واهه قـــــــــرون
**************
ای تره سر زمه
برگرفته از اشعار محلی آقای عباس رستم نژاد نشلی
سلامی به گرمی آفتاب